Canossi

Canossi (L.Urbinati)

Adès che te sé un angel ma del bù

Canossi varda zo a la tò cità

varda ‘l castèl pié de spurchignù

ma ‘ndei boschècc sta miga lé a spià.

Chèl che ghè capitat en piassa Lòza

te’l cönte mia se no te fo ‘ngrimì

gh’è mia piö zènt stampàda a la tò fòza

gh’è piö carmelitane a San Faüstì.

Chèle de adès mia che le sìes balòsse

ma nissü g’hà ‘nsegnàt l’Ave Maria,

i’è ndàde al cine co le luci rosse

o se ni en discoteca con la Cìa.

E anche ‘l dialèt l’è dré che ‘l va de àna

e som en poc ormai che i la capès,

te ‘ncontret tòc de òm co la sotàna

e te’l sicüre, i’è miga prècc de paés.

Le muritine le va dré ai stüdèncc

e i stüdencc i va miga a scöla,

la tò leonessa la gha pèrs i dèncc,

ghè piass enfina èl yoghurt con maöla...

Ma se lè en Paradìs, ghè fo scomèssa,

i te dà mezùra de permès,

te te ùlet zo Canossi a la tò Brèssa

e te ghe ölet bé a pò come l’è adès.